Mga Hula na Tumutukoy kay Jesus

Isang kabataang babae sa maliit na bayan ng Nazareth, na ginagawa ang pang-araw-araw na gawain, ay nakatanggap ng isang panauhin mula sa Langit. Ang ating imahinasyon ay nagsisikap na isipin ang tagpo; bagaman, marahil, ang pinaka- nakapagtatakang pangyayari ng pagdalaw na ito ay hindi siya nagulat na marinig na ang kaligtasan ay darating sa Israel sa pamamagitan ng pagsilang ng isang Mesiyas. Hindi ba ito’y nakamamangha? Isaalang-alang na ang kabataang si Maria ay alam mula sa kaibuturan ng kanyang puso, isaalang-alang ang pag-asa kung saan ang kanyang buhay ay nakatayo, isaalang- alang ang kanyang tugon sa pag-iisip na siya’y magdadalang-tao na ipinangako mahigit na 400 taon bago pa siya isinilang. At sa ating sandaling pagninilay, kung ipipikit natin ang ating mga mata, at maupo sa loob ng silid ng maliit na bahay, iyon lamang, nawa’y maunawaan natin na ang napakalakas na diin na ang hula tungkol sa Mesiyas ay nagkaroon sa babaeng ito. Ang kanyang pagkamangha ay hindi nagbuhat sa mensahe ng darating na Tagapagligtas, kundi mula sa pahayag na siya ay nabigyan ng pagkakataon na maglingkod nang siya ay tawagin. Ako’y nagtataka, naisip kaya ni Maria ang mga salita ni Isaias sa kanyang isipan? Masasabi Kaya niya, “Magbubuntis ang isang birhen, at manganganak siya ng isang sanggol na lalaki. At tatawagin niya ang bata na Immanuel”? (Isaias 7:14).

Ang mananalaysay na si Alfred Edersheim, isang Judio, ay naitala ang 456 na mga talata sa Lumang Tipan na tumutukoy sa Mesiyas at sa Kanyang panahon. At pinaniniwalaan na si Jesus ay ang tugon sa 300 na mga hula na nasa mga puso at mga isipan ng mga relihiyosong mga tao na naninirahan sa Galilea at Judea sa mga kasaysayan sa pagsisimula ng Bagong Tipan. Sa pagbabasa ng 4 na ebanghelyo, ay nagsisimula tayo na malaman at maunawaan ang mga Pariseo at mga Saduseo; nakikilala natin ang mga panatiko na nagnanais ng makalupang hari. Gayunman, ang karamihan sa mga disipulo na ating nababasa ay bahagi ng “pulutong” - ang mga tapat, na araw-araw ay nais na maging makatuwiran sa iniutos at baluktot na batas,na ipinagdiriwang ang Araw ng Pamamahinga, na naglilinis at nag-aalay dahil sa utos, ginagawa ang taunang paglalakbay sa Templo na pinamamahalaan ng mga hindi makatarungan at hindi karapat- dapat. Ang pulutong ay umaasa sa isang Mesiyas; alam nila sa kanilang mga puso ang salita ni Moses, “Sa halip, magpapadala sa inyo ang Panginoon na inyong Dios ng isang propeta na mula sa inyo at kadugo ninyong tulad ko. At kailangang makinig kayo sa Kanya” ( Deuteronomio 18:15). Ang kanilang mga buhay ay nakatayo sa pag-asa ng darating na kaligtasan, tulad ni Maria.

Sa hindi pa nalalaunang pag-aaral ng Biblia sa aking lokal na kongregasyon, tinalakay namin ang sıgaw ni Juan na tagapagbautismo sa ilog ng Jordan sa ilang na lugar sa pagitan ng Judea at Galilea. Isang kahanga- hangang lalaki - paano na si Juan ay hindi lamang naka-akit kundi nakahikayat pa ng maraming tao na ang ipinangakong Mesiyas ay darating na? Ang anak ng pari, na hindi lumaki sa Templo, kundi sa ilang, ay isang tinig ng kapangyarihan sa lahat ng naghihintay sa Mesiyas at sa darating na kaharian. Sa Juan 10:41, sinasabi na si Juan ay hindi gumawa ng mga himala, gayunman, pinatunayan ni Jesus na siya ay dumating bilang tugon sa sinabi ni Malakias 400 taon na ang nakalipas: “Sapagkat bago pa dumating si Juan, ipinahayag na ng lahat ng propeta at ng Kautusan ni Moses ang tungkol sa paghahari ng Dios. At kung naniniwala kayo sa mga pahayag nila, si Juan na nga ang Elias na inaasahan ninyong darating. Kayong mga nakikinig, dapat ninyo itong pag-isipan” (Mateo 11: 13-14).

At sila ay dumating - dumating upang makita kung ito nga ang tinig sa ilang na buong taimtim na pinaniniwalaan na isang araw ay maririnig sa buong lupain. Sila ay dumating upang marinig ang sinabi ni Juan tungkol sa pagsisisi, ng kapatawaran ng mga kasalanan, at ang Tupa ng Dios na mag-aalis ng mga kasalanan ng sanlibutan. Si Jesus ay dumating bilang tugon sa lahat ng mga hula na ang mga tapat ay lubos na pinaniniwalaan; Siya ay dumating upang mapatotohanan ang şanlıgan ng pananalig sa Dios ng Israel at sa Kanyang mga pangako - at sila’y naniwala. Sila ay naniwala na ang Jesus na ito, na anak ng isang anluwagi, ay magdadala ng bagong pakikipagtipan (Jeremias 31:31), na iniwan at binutasan ang mga kamay at paa, nguni’t binigyan ng katarungan (Awit 22:1-31), na Siya ang itinakwil na panulukang bato (Awit 118:22-24), na Siya ang magiging Tagapagligtas (Isaias 61:1-2), na Siya ay isisilang ng isang birhen (Isaias 7:14), na Siya ay darating sang-ayon sa panahon ng Dios na Makapangyarihan (Daniel 9: 24-27), at Siya ang magdadala ng mga kasalanan at maghihirap para sa ating lahat (Isaias 52:13, 53:12) ilan lamang sa mga bagay.

Ito ba ay malinaw na parang kristal? Hindi, kahit si Juan, na nakita ang Banal na Espiritu na nagpatunay na si Jesus ang tunay na Anak ng Dios, ay hindi ganap na naunawaan ang buong kalikasan ng Kanyang paglilingkod ( Mateo 11). Ang mga disipulo ay hindi ganap na naunawaan ang kalikasan ng Kanyang kaharian (Gawa 1). Ang mga alagad ay hindi lubos na naunawaan ang kalikasan ng muling pagkabuhay (1Juan 3). Nguni’t walang pag-aalinlangan na ang mga hula ang nag dala sa kanila kay Cristo - nakita nila ang mga hula na naisakatuparan kay Jesu Cristo, at sila’y may malaking pananalig sa mga pangako sa darating na kaharian. Ito ang mga hula na nakatatak sa mga puso at isipan ng mga mananampalataya na mag-uugnay sa sanligan ng isang makatuwirang buhay, kahit na ang mga bawat isa ay nangangailangan ng pananalig sa hindi nakikita.

At ito’y magdadala sa ating mga sarili. Ang pag-asa sa pangako, naniniwala sa mga hula tungkol sa ating Panginoon, pananalig sa isang Dios ng pakikipagtipan- ito ang nagpapahintulot sa puso na magkaroon ng mga mata na makita ang tugon sa lahat ng mga hula. Tayo man, ay naniniwala sa pamamagitan ng mga hula, kung sino si Jesus, lahat ng Kanyang mga pangako, at lahat ng pag-asa. Tayo man, ay alam nang may katiyakan na tayo ay tinubos sa pamamagitan ng Kanyang dugo tulad ng mga sinabi ng mga propeta noong unang panahon. Tayo man, ay naniniwala na Siya ang ating kanlungan, tulad ng ipinahayag ng mga propeta noong araw. Tayo man, ay may pananalig na Siya ay nakaluklok sa Kanyang trono, na tayo’y ipinaghanda ng tahanan at Siya’y muling magbabalik upang tanggapin tayo tulad ng pagtanggap ng lalaking ikakasal sa kanyang magiging asawa. Tayo man, ay may katiyakan na may isang aklat, na may mga pangalan, na ito’y bubuksan ng Tupa ng Dios, na Siya lang ang karapat-dapat na magbukas ng nasabing aklat.

Ang mga maluwalhating pangako, kahanga-hangang mga hula, ang magandang pag-asa para sa lahat sa atin na naunawaan ang mga hula at mga pangako sa buong panahon. Ang magkatulad na mga hula at mga pangako na pinaniwalaan ni Maria,ang magkatulad na mga hula at mga pangako na naalala ni Juan, ang magkatulad na mga hula at mga pangako na pinanghawakan ng 12 - ang lahat ng ito ay para sa atin. Ito ang magtutulak sa atin na tumugon sa tawag tulad ng mga nauna sa atin, kung ang mga hula ay napatunayan ang Mesiyas, kung ang mga hula ay napatunayan ang pagkabuhay para sa lahat, kung ang mga hula ay napatotohanan ang walang hanggang kaharian - paano tayo makatatanggi sa isang makapangyarihang katotohanan?