Sino ang Sinasabi ng mga Tao Tungkol Kay Jesus?

Ilang katanungan sa kasaysayan ang nagdadala ng bigat kundi ang tanong ni Jesus sa Kanyang mga tagasunod sa Mateo 16:15: “Pero sa inyo, sino Ako?” Ito ay katanungan na umaalingawngaw sa bawat panahon, sinusubukan ang bawat isa na nakakarinig nito.

Ang mga tugon ay nagmula sa mga kasama Niya araw-araw, at sa mga sumasalungat sa Kanya nang mabalasik, mula sa mga katunggali, hanggang sa mga pantas at mga mananalaysay ng susunod na daang taon. Ang bawat pananaw ay nagbibigay ng kakaibang larawan sa pagkakakilanlan kay Jesus —isang pagkakakilanlan na humahamon sa inaasahan, nagbibigay ng malakas na tugon, at patuloy na humuhubog sa mga buhay ngayon.

Ang Mga Tagasunod at Mga Apostol Walang ibang pangkat ang nakakakilala kay Jesus nang lubos kundi ang Kanyang mga tagasunod. Sila ay kasama Niya sa paglalakbay, pagsasalo-salo sa pagkain, at nasaksihan ang mga himala, at ang mga sandali ng kapaguran. Ang kanilang mga patunay ay hindi magkakahiwalay; kundi Ito ay malalim na pag- uugnayang pansarili.

Ang Pahayag ni Pedro (Mateo 16:13-16) - Nang tanungin ni Jesus, “Pero sa inyo, sino Ako?”, sumagot si Pedro nang mabilis at may katapangan, “Kayo po ang Cristo, ang Anak ng Dios na Buhay.” Ito ay hindi pinag-aralang tugon — ito ay pagpapahayag nang may paninindigan. Ito ay pinatotohanan ni Jesus na ang pahayag ni Pedro ay hindi galing sa tao kundi galing sa Ama salangit. Ito ay hindi isang kuro-kuro lamang; ito ay pagkilala sa maka-langit na katotohanan.

Ang Pahayag ni Tomas (Juan 20:28) -Si Tomas ay malimit na nililibak - ang mapag-alinlangan. Nguni’t nang makaharap si

Cristo na nabuhay na mag-uli, ay ibinigay ni Tomas ang pinaka- malalim na pahayag sa kasulatan: Panginoon ko at Dios ko!” Sa limang salitang iyon , malinaw na ipinahayag ni Tomas ang kanyang pagmamahal (Panginoon ko) at ang hindi mapapantayang (Dios ko) si Jesus. Ang kanyang pag- aalinlangan ay nagbigay-daan sa hindi maitatangging kalinawan.

Si Juan ay sinimulan ang kanyang Ebanghelyo sa isang matatag na pahayag : “Nang pasimula, naroon na ang tinatawag na Salita…at nagkatawang-tao ang Salita” (Juan 1:1,14). Si Jesus ay hindi lamang guro o propeta - Siya ang walang -hanggang Salita ng Dios na nagkatawang-tao.

Si Pablo sa kanyang sulat sa mga taga-Colosas ay sinabi: “Na Siya ang larawan ng Dios na di-nakikita, ang panganay ng lahat ng mga nilalang” (Colosas 1:15). Si Jesus ay hindi lamang mahalaga, Siya ay kataas- taasan.

Para sa mga disipulo at apostol, si Jesus ay hindi lamang isang palagay o kuro-kuro o pinuno ng isang kilusan. Siya ang Mesiyas, ang Anak ng Dios, ang nakikitang larawan ng hindi nakikitang Dios. Ang kanilang mga salita ay hindi haka-haka — ito ay nakatatag sa kanilang mga karanasan.

Ang Mga Masasamang Espiritu Nakamamangha, samantalang ang mga tao ay nagsisikap na makilala si Jesus, ang mga nasa kaharian ng espiritu ay walang ganitong suliranin. Lagi na, ang mga masasamang espiritu ay kilala si Jesus nang may kaliwanagan.Ang Masamang Espiritu sa Capernaum (Marcos 1:24)

-Sa unang kabanata ng Marcos, may isang lalaki roon na sinasaniban ng masamang espiritu ang biglang sumigaw, “Kilala kita, Ikaw ang Banal na Sugo ng Dios!” Walang pag-atubili, walang hindi nauunawaan. Ang diablo ay kilala ang maka-langit na kapangyarihan ni Jesus.

Ang Kawan sa Geraseno (Marcos 5:7)- Pagkatapos, isang lalaki na sinasapian ng maraming masasamang espiritu na tinatawag na “Kawan” ay patakbong lumapit kay Jesus at lumuhod sa harapan Niya, “Ano ang pakıalam Mo sa akin, Jesus na Anak ng Kataas-taasang Dios?” Kahit na may takot at pagpipigil, ang mga Diablo ay kilala kung sino si Jesus.

Ang kabalintunaan ay hindi mahirap na makita: ang mga masasamang espiritu ay kilala si Jesus samantalang ang mga tao —mga pinuno ng relihiyon, mga nag-aalinlangan, maging ang Kanyang mga tagasunod — ay nanatiling bulag. Ito ay isang malinaw na paalala na ang pagkilala tungkol kay Jesus ay hindi katulad ng pagkilala sa Kanya.

Ang pagkilala ng mga demonyo ay hindi pananalig —ito ay pagkatakot. Nguni’t ang kanilang mga salita ay nagbibigay ng diin sa katanungan: kung ang Kanyang mga kaaway ay kinikilala Siya, gaano na kaya tayo ?

Ang mga Tao at mga Pinuno ng Relihiyon Sa bawat pulutong ng mga tao, si Jesus ay pumupukaw ng ibat- ibang damdamin ng paghanga, kalituhan, at pagsasalungatan. Ang iba ay tinatawag Siyang propeta (Mateo 21:11). Ang iba ay tinatawag Siyang “Anak ni David” (Mateo 9:27), nakikilala ang Kanyang kaugnayan sa pangako ng darating ng Mesiyas. Marami ang sumunod sa Kanya, hindi dahil kung sino Siya, kundi sa kungano ang Kanyang ginagawa — magpagaling ng mga may karamdaman, magpakain at gumawa ng mga himala (Juan 6:26).

Para sa mga tanyag na mga relihiyoso, si Jesus ay isang banta sa kanila. Siya ay pinaratangan ng paglapastangan sa Dios (Juan 10:33) at panlilinlang (Mateo 27:33) at sila’y nagkaisa na patayin Siya. Ang kanilang pagtanggi ay hindi dahil sa pagkakaunawaan,kundi upang mapangalagaan ang kanilang sarili.

Si Pilato, na nasa gitna ng gipit na kalagayan sa politika at moralidad, at tinanong si Jesus: “Ano ang katotohanan?” (Juan 18:38). Kahit na ipinahayag niya na walang kasalanan si Jesus,ay hinatulan pa rin niya ng kamatayan. Sa huling pang- uuyam, ay pinalagyan niya ng karatula ang krus ni Jesus : “Si Jesus na taga-Nazareth, ang Hari ng mga Judio.”

Ang tugon ng mga tao kay Jesus —hanggang ngayon ay — hati- hati. Ang iba ay sumamba, ang iba ay nagtataka, at iba ay tumanggi. Mga Pananaw ng Kasaysayan Ang katanungan tungkol sa pagkakakilanlan kay Jesus ay hindi kumupas sa pagdaan ng panahon. Ito ay patuloy na nagbibigay ng pagmumuni-muni sa mga pantas, mga mapag-isip, at mga tao sa kasaysayan.

Sa aklat ni Alfred Edersheim, ang The Life and Times of Jesus the Messiah, ay inilarawan niya si Jesus na katuparan ng sina- unang hula o pahayag ng mga Judio. Ang kanyang pagsusuri ay binigyan ng diin ang malalim na kaugnayan sa pagitan ng buhay ni Jesus at mga pangako sa Lumang Tipan - ang maayos na mga pagkaka-ugnayan sa kasaysayan ng daigdig.Si C.S.Lewis ay binuo ang katanungan nang may diin: Si Jesus ay maaaring Sinungaling, Baliw o Panginoon. Ang kanyang pakikipagtalo ay upang buwagin ang kuro-kuro na si Jesus ay isang payak na “Mabuting guro ng moralidad.” Ang Kanyang pag-aangkin ay lubhang likas. Siya ay ang sinasabi na Siya nga o isang manlilinlang.

Minsan ay sinabi ni Napoleon Bonaparte, “Kilala ko ang mga tao, at sinasabi ko na si Jesus ay hindi lamang isang tao.” Si Napoleon na isang mahusay na pinuno ng digmaan, ay kinilala niya na si Jesus ay nakahihigit sa lakas ng hukbong sandatahan o kapangyarihan ng politika. Ang Kanyang handog ay nakatatag sa pag-ibig, hindi sa pananakop. Mula sa mga nag-aaral ng tungkol sa Dios hanggang sa mga emperador, ang kasaysayan ay patuloy na nagsisikap upang maunawaan ang katauhan ni Jesus. At gayundin nga, ang katanungan ay nananatiling malalim na pansarili.

Ang Tunay na Katanungan

- Sino si Jesus? Ang mga tinig na narinig — mga disipulo, mga diablo, mga pulutong, mga pinuno, mga mananalaysay, — ang lahat ay nagsalita na. Nguni’t ang tanong ni Jesus kay Pedro ay magkatulad na tanong sa atin: “Sino Ako para sa iyo ?” Tinawag Siya ni Pedro na Cristo. Tinawag Siya ni Tomas na Panginoon at Dios. Ang mga masasamang espiritu ay tinawag Siyang Anak ng Kataas-taasan. Ang kasaysayan ay nagbigay ng katugunan. Ngayon, ito ang ating panahon.

Hindi ito katanungan na sasagutin nang may kababawan. Ang tugon ay magbabago sa ating mga buhay, mga pasya at ang buhay na walang hanggan. Ang paanyaya ay nananatili :“Sumunod kayo sa Akin” (Mateo 4:19). At ang katanungan ay nananatili: “Sino Ako para sa iyo?”


Previous
Previous

Mga Himala at Pangungusap ni Cristo

Next
Next

Sino ang Kinausap ni Jesus?